The Day After, um 08:30 uur zaoterdagmorgen; “Hey Prins, wat un feest hè? hoe geet ut? Jao ut geet, maor wat een feest, geweldig, zo mooi en dan die gezichten hè. Prachtig. En hoe ist met ow? Jao, net as ow; ut geet wel, maor wat hem wi’j genoten. Maor eh, bun zo bi’j ow. Eers ff een beksken koffie.” Dat waren de eerste woorden die de P&A nao ut grandioze feest, de avond d’r veur, op dit vroege tiedstip, met mekaar hadden. Want ut eerste officiële optreden stond al te wachten. Met een aoverheerlijke, prachtige slagroomtaart van Jos de Bakker uit Zillewold, gingen wi’j samen met Peter, Jos en onze weerboer Gerrit Vossers naor optimaal FM.

Nou is zo’n ritje van Zillewold naor Wehl niet zo heel erg interessant, moj alleen niet bi’j Gerrit in de auto zitten, dan veranderd dat meteen. Gerrit hult de bek niet digt. Zut alles wat d’r um zich hen gebeurt en het ook veur alles wattu zut een woordje klaor. I’j begriep dat wi’j d’r al heel wat afgelachen hebben veurdat wi’j in Wehl waren. Maor goed, dat ff terzijde…

Veur diegenen die dat nog niet wetten, tis maor een ri-jtjes huus waor ze van Optimaal FM in zitten. Krap, maor Oer gezellig. (De adjunant bliek in Oer geboren te zun). Op naor Allard en nog gin 1 minuut binnen of Gerrit het meer aandacht dan de Prins en zien Adjudant. Met de taart van Jos ging ut nog net goed, maor met de warme sjokolademelk van Alard niet. Gerrit was zo antoezjast dattu ff de sjoko um mos gooi-jen. Maor dat was veur Allard zelf gin probleem, hi-j slurpten de sjokolademelk zo van d’n taofel.Ut was lachen daor. Maor, na alle gein, ook ff een serieus moment. Eerst werd de taart deur de P&A angesni-jen waornao wi’j ons dat lekker hem laoten smaken met z’n allen. De Prins en zien Adjudant veteld’n nog ut een en ander over de Pronkenpresentatie. Hoe mooi en prachtig dat niet allemaol was.Ook werden d’r een heleboel mooie plaatjes geschoten. Das altied mooi veur later hè. En dan is zo’n morgen, noj-jao, niet de hele morgen, zo weer veurbi’j. Op naor onzu Residentie, en dan…toch maor us efkus bankzaken doen?

Groetjes,

Prins en Adjudant