|
Vanaf zondag 28 januari 2007 tot en met het carnaval 2007 houden Prins en Adjudant een dagboek bij van hun belevenissen. Metwaldus de 44ste en zijn adjudant laten u deelgenoot zijn van hun belevenissen… |
|
Vanaf zondag 28 januari 2007 tot en met het carnaval 2007 houden Prins en Adjudant een dagboek bij van hun belevenissen. Metwaldus de 44ste en zijn adjudant laten u deelgenoot zijn van hun belevenissen…
Dinsdag 13 februari
Deur Metwaldus de 44ste
Wi’j hebben pronkzitting gehad in De Schuylenburgh, de allerletste in ut huidige gebouw. Ut was d’r erg gezellig en ook erg warm, maor daor lut un prins zich niet deur uut de weg slaon. De ni’je prinses en adjudante van De Schuylenburgh werden an ut begin van de aovend gepresenteerd. Veur wie ut nog niet wet, ut bunt Annie en Annie geworden. Wi’j hebben ze onderscheiden en allebei gefeliciteerd met ELF kussen. Tevens hebben wi’j de opa van Annemarie onderscheiden, umdat hi’j afgelopen zondag zien negende achterkleinkind op de wereld hef gezet. Kortom, ut was d’r zeer sfeervol onder ut motto van De Schuylenburgh: Hoe oller, hoe doller!
Maondag 12 februari
Deur Metwaldus de 44ste
Wagenbouwers bezocht. Drink met mate en De Maotjes. We mogen hier verder natuurlijk niets oaver kwiet. Kom dus maor in de optocht kieken.
Zondag 11 februari
Deur Metwaldus de 44ste
Ut was vrog dag vandaag en wi’j hadden een strak schema. Tegen un uur of tien stonden wi’j bi’j Herberg Jan um de vlaggen te hijsen. Ut weer was niet al te best, maor ondanks dat bunt de vlaggen onder genot van de klanken van de Sambaband hoog de lucht in gegaon. De vlag van De Metworst was natuurlijk deur dik en dun as eerste boaven. Vervolgens werd ut Foekepot-monument onthuld onder ut wakend oog van ons eigen spandoek, dat boaven ut monument uutprijkt. Ri’j d’r maor eens un keer langs um te kieken. Half elf waren wi’j weer present bi’j de uutreiking van de Vastelaovendpos. Ik mot zeggen ut is weer un schitterende krant geworden! Want de hoofdredacteur Ton Sanders kregen wi’j als prins(sess)en en adjudant(e) een mooie Vastelaovendpet angebo’jen. En dat kwam wel van pas met dit weer. Tegen elf uur waren wi’j in ut Sint Antonia um samen met de olderen karnaval te vieren. Ze hadden hun eigen pronkzitting samengesteld met acts zoals onze dansgardes, Leerke van Peerke en de Kroezenhokers. Ut was d’r erg gezellig! Wi’j hebben menig polonaise gelopen en gerold. ’s Middags hebben wi’j ut huus van jeugdprinses Lisanne nog effen angedaon um onze gruune versiering en de piek, zoals iedereen op onze pronkzitting hef gezien, in heur tuin te planten.
Kortom un drukke zondag, maor wel un mooie!
Zaoterdag 10 februari
Deur Metwaldus de 44ste
Zaterdagaovend hebben wi’j de tweede pronkzitting gehad. Een nog groter feest! Ik heb d’r gewoon gin woorden veur, ook niet veur in ut dagboek….
Wi’j hebben ’s middag samen met Silvius, adjudant en vrouwen nog wel effen de wagenbouwers van De Berkenlaan bezocht. Ut was d’r erg gezellig en de wagen is d’r ook weer één van hoge kwaliteit. Naodat wi’j samen un bak bier hebben leug geketst bunt wi’j maor weer gegaon, want naor un leuge kist bier gaon kieken hol i’j ook niet lang vol.
Vri’jdag 9 februari
Deur Metwaldus de 44ste
Vri’jdagaovend hebben wi’j de eerste pronkzitting gehad. Wat een feest! Ik heb hier gewoon gin woorden veur, ook niet veur in ut dagboek……
Donderdag 8 februari
Deur Metwaldus de 44ste
Vandaag stond in ut teken van de generale repetitie veur de pronkzittingen. Ik zal dus niets hieraover in ut dagboek zetten, anders is de verrassing er al af.
Toen ik nao de tied thuus kwam stond er ’t grote prinsenbord van De Metworst in de tuin. Dat bord is zo groot dat ik de miene zonwering al heb verkocht, want d’r kump zo toch gin zon meer naor binnen.
Woensdag 7 februari
Deur Metwaldus de 44ste
Toen ik van mien werk terugkwam en mien huus binnen kwam lopen, viel mien de mond wiet wagen los. Niet umdat ik zuurstofgebrek had, maor umdat de huuskamer schitterend rood-wit versierd was. Er hangen rood-witte vlaggetjes, rood-witte ballonnen en metworst-gekrulde serpentines. Schitterend gewoon! En de daders? Die had ik snel gevonden, ut waren mien vriendin en mien vader. Mien vader had zich al nagenoeg verraoden. Ik had hum in de auto op weg naor huus al an de telefoon gehad.
Toen vroeg hi’j mien: “En? Bu’j al thuus gewes?”.
Ik zeg: “Nee, hoezo dan?”.
Zegt hi’j weer: “Nee, niks. Zomaor”
Now, naodat ik thuus dus de deur had losgetrokken, ging mien de lamp al heel fel branden. En as mien vriending dan ook nog uutgebreid op de bank zit te lachen, dan geet ow de lamp zo hard branden dat ut gluuidraedje al gauw uut mekaar knapt.
’s Aovends hebben wi’j, samen met Silvius en adjudant, de tweede wagenkiek-ronde geholden. Wi’j hebben weer völ vakwerk gezien bi’j de Rooie Vogels, de Foekepot en de Schoenveters.
P.S. Wi’j hoapen wel dat de Rooie Vogels niet veranderen in de Dooie Vogels, umdat ut bier dat ze zoepen al sinds augustus 2006 oaver daotum is.
Dinsdag 6 februari
Deur Metwaldus de 44ste
Eindelijk eens un keer weer un rustige dag gehad.
Zo ook in ons dagboek…. Lekker toch? Wi’j bunt trouwens nog wel effe naor ’t Mölleke gewes veur ut zaal versieren. Maor daor was ook alles al rustig… Lekker toch?
Maondag 5 februari
De maondagaovend stond in ut teken van de eerste bezuuken an de wagenbouwers. Samen met Prins Silvius en adjudant en de vrouwleu’j bunt wi’j hier en daor weazen kieken wat er zoal gebouwd werd. En wi’j motten zeggen: “Dat beloafd wat veur de optocht!” Wat een kwaliteit en imposante wagens worden d’r gebouwd. Ut water liep ons uut de mond bi’j ut zien van de Zillewoldse architektuur. En daorum staon wi’j now al deur dik en dun te popelen um ankommende woensdag veur de tweede keer op pad te gaon.
Zondag 4 februari
Deur Metwaldus de 44ste
Ut was een schitterende zondag. Wi’j hebben een prachtige jeugdpronkzitting gezien! Vol met schitterende acts opgevoerd deur de jeugd zelf. Wi’j heb ons kapot gelachen um de grappen die rijkelijk de zaal in werden geslingerd. Ut water liep ons uut de mond bi’j ut zien van de prachtige lichtshow en wi’j deinden lekker met op de gezellige live-muziek van “De Zillewoldese Diva’s & De Sieben Saltsäcken”.
En wi”j hebben gigantisch genoten van de ni’je jeugdprinses en heur adjudante. Jao, i’j least ut goed, ze hebben un prinsesje dit jaor! En ik mot zeggen ze is niet op heur mondje gevallen, want wi’j mosten ut flink ontgelden in heur speech. Wat nam ze ons op de hak met onze dresscode. Wi’j willen Mau dan ook hartelijk bedanken dat hi’j hierveur medeverantwoordelijk was deur de entree kaarten op blauw papier te drukken. Gelukkig hebben wi’j op ut podium revanche können nemmen. Want a’j hoog van de toren blaost dat alles gruun mot zun, dan mo’j als prinses natuurlijk niet in un rood-witte cape en steak gaon lopen.
Bi’j deze willen wi’j nogmaals de felicitaties en dank uutspreaken veur de prachtige middag die de jeugd ons bezorgd hef. Ut “lang zal ze leaven” dat De Metworst was dan ook helemaol op zien plaats, want ze hebben d’r echt un neusje veur um un goede pronkzitting in elkaar te zetten. Daor können wi’j maor één ding op zeggen: “Veural deurgaon, deur dik dun!”
Veur de foto’s mo’j hier klikken!
Zaoterdag 3 februari
Deur Metwaldus de 44ste
Ut eerste wa’k vandaag gedaon heb is mien vriendin un kus gegeven, umdat ze mos werken. Toen heb ik mien deur de loop van de ochtend nog elf keer umgedraeid, veurdat ik bun opgestaon. Op bevel van mien vriendin, die inmiddels was teruggekeerd van heur werk, heb ik ut huus nog gestofzuugd en opgeruumd. Daor heb ik in mien paleis nog steeds gin personeel veur. Disse vacature is nog steeds niet ingevuld.
’s Middags hadden wi’j bi’j ut Jeugdcarnaval de generale repetitie. En ik mot zeggen dat beloafd wat veur zondagmiddag! Gewoon olderwets un middag knalluh met de jeugd. ’s Aovends bun ik natuurlijk naor de jubileum receptie van ut Jeugdcarnaval gewes. Ik heb daor un hoap olde bekende gezien en dan bedoel ik ook echt old. Zoas Jan Reesink, Theo van de Kemp, Jan Olthof en nuum ze maor op. Ik heb altied gedacht dat gruun de kleur van ut Jeugdcarnaval was, maor vanaovend had ik ut gevuul dat dat gries was.
Mien adjudant hek de hele dag niet gezien. Hi’j had volgens mien verjeurdag van zien schoonmoeder. En i’j bunt natuurlijk niet ow prins getrouwd……maor wel met ow schoonmoeder.
Alaaf!
Vrijdag 2 februari
Metwaldus de 44ste
Vanmorgen bun ik live op Optimaal FM gewes. Balthazar van Puffelen hef mien opgebeld, zodat wi’j in de uutzending un babbeltje hebben gemaakt oaver de Zillewoldse karnaval en de karnavalsspreuk van Metwaldus.
’s Aovends bunt wi’j met un delegatie van De Metworst naor de Kroezenhökers weazen kieken……….en ook luusteren natuurlijk. I’j mot namelijk toch effe controleren wat veur volk i’j met de pronkzitting in de tent haalt. Maor ik mot zeggen dat het met de Kroezenhökers helemaol goed zit. Onder leiding van dirigent Wim Lammers klonken de klanken feestelijk deur de deal van Gerrit Vossers. De barometers sloegen spontaan an de grond, ut kwik van de thermometers sloeg tegen ut plafond en de deur van de koelkast sprong spontaan los, want zonder drank gin klank. Dus hebben wi’j samen met de muzikanten gezellig un biertje gedronken, totdat wi’j d’r achterkwamen dat op un gegeven moment er gin kroezenhöker meer aanwezig was. Toen bunt wi’j ook maor weer gegaon en verder stop ik d’r met, want dat heurt weer in ut dagboek veur de zaoterdag.
Donderdag 1 februari
Deur Metwaldus de 44ste
Vandaag hek un betje gelummeld op ut werk, zodat ik geen burn-out krieg veurdat de karnaval begonnen is. Mien adjudant hef precies hetzelfde gedaon. Den is in de pauzes gaon werken en onder werktied gaon pauzeren.
Tevens hebben ik te melden dat bi’j mien nichtje Annie afgelopen dinsdag uutgeteld was. Maor ik heb zo’n idee dat dit weer zo’n medische misser is, want de buul zit d’r nog steeds an.
Maor mocht de boel knappen dan wensen wi’j Annie en Roger völ persplezier. En mocht ut un zwaore bevalling worden, wat natuurlijk niet te haopen is, dan hebben wi’j tegen Roger maor één ding te zeggen: “Blief deur dik en dun op de been!”
Vri’jdag 2 februari
Deur Metwaldus de 44ste
Vanmorgen bun ik live op Optimaal FM gewes. Balthazar van Puffelen hef mien opgebeld, zodat wi’j in de uutzending un babbeltje hebben gemaakt oaver de Zillewoldse karnaval en de karnavalsspreuk van Metwaldus.
’s Aovends bunt wi’j met un delegatie van De Metworst naor de Kroezenhökers weazen kieken……….en ook luusteren natuurlijk. I’j mot namelijk toch effe controleren wat veur volk i’j met de pronkzitting in de tent haalt. Maor ik mot zeggen dat het met de Kroezenhökers helemaol goed zit. Onder leiding van dirigent Wim Lammers klonken de klanken feestelijk deur de deal van Gerrit Vossers. De barometers sloegen spontaan an de grond, ut kwik van de thermometers sloeg tegen ut plafond en de deur van de koelkast sprong spontaan los, want zonder drank gin klank. Dus hebben wi’j samen met de muzikanten gezellig un biertje gedronken, totdat wi’j d’r achterkwamen dat op un gegeven moment er gin kroezenhöker meer aanwezig was. Toen bunt wi’j ook maor weer gegaon en verder stop ik d’r met, want dat heurt weer in ut dagboek veur de zaoterdag.
Tevens hebben ik te melden dat bi’j mien nichtje Annie afgelopen dinsdag uutgeteld was. Maor ik heb zo’n idee dat dit weer zo’n medische misser is, want de buul zit d’r nog steeds an.
Maor mocht de boel knappen dan wensen wi’j Annie en Roger völ persplezier. En mocht ut un zwaore bevalling worden, wat natuurlijk niet te haopen is, dan hebben wi’j tegen Roger maor één ding te zeggen: “Blief deur dik en dun op de been!”
Woensdag 31 januari
Deur Metwaldus de 44ste
Vandaag bunt wi’j op bezoek gewes bi’j onze collega’s van De Foekepot. Wi’j waren uutgeneudigd in ut paleis van Prins Silvius de 48ste , op zien geheim adres an de Roomberg 20. Daor werden wi’j deur de prins, adjudant en hun vrouwen hartelijk ontvangen. De koffie stond al klaor, welke werd gecompleteerd met een lekker knapperig bokkepeutje.
Disse aovend was natuurlijk puur zakelijk, want wi’j hebben de tied besteed an de jeugdpronkzitting veur ankommende zondag. En wi’j hebben de planning rondgemaakt veur ut bezoeken van de wgenbouwers.
Dus wagenbouwers: I’j kunt vandaag of morgen gebeld worden deur Prins Silvius de 48ste, Jan Steverink in ut dagelijks leaven, um ow atelier los te gooien veur ut koninklijk bezoek van Silvius, Metwaldus en adjudanten. En a’j ut niet erg vindt nemmen wi’j af en toe ook nog de vrouwen met (leas: chauffeurs).
Now zullen jullie wel denken: Waorum belt alleen Prins Silvius de 48ste en niet Prins Metwaldus de 44ste. Dat kump umdat Silvius al met pensioen is en dus zeeën van tied had um rond te bellen. Now hoapen wi’j alleen dat de wagenbouwers ook tied hebben um de telefoon op te pakken.
Ik zol zeggen: Tot morgen en hol ow goed deur dik en dun!
Rectificatie met betrekking tot zondag 28 januari:
Prins Silvius de 48ste, adjudant Paul en vrouwen Mimi en Tiny hebben ook metbetaald an de drank en snoepgoed veur de jeugdcarnaval. Dit is deur een fatale blackout van Prins Metwaldus niet in ut dagboek opgenommen. Ik hoap dat De Foekepot mien excuses aanvaardt, zodat wi’j weer deur dik en dun deur kunnen blieven ruuren!
Dinsdag 30 januari
Deur Metwaldus de 44ste
Wat ik now opschrief was eigenlijk veur de maondag bedoeld, maor disse dag hef mien adjudant ut dagboek al aardig gevuld. Daorum breng ik mien ni’js van de maondag maor op de dinsdag.
Ut grote ni’js is dat ankommende vri’jdag Metwaldus tussen negen en tien uur ’s morgens live op Optimaal fm te heuren is. En ook ankommende maondag tussen vief en zes uur ’s aovends. Dan gao ik namelijk de ni’je karnavalsaktie van Metwaldus toelichten, want vanaf volgende weak kump elke werkdag in ut programma Spijkertijd (15:00-18:00 uur) un ni’j item. En dat ni’je item is: “De karnavalsspreuk van Metwaldus”.
Tot an de karnaval wördt de hele achterhoek dus elke dag verblijd met un prachtige spreuk van onze eigen Prins! En disse spreuken bunt natuurlijk allemaol veurzien van un nuttige boodschap, die i’j met de karnaval goed könt gebruuken. Wanneer d’r meer informatie oaver “De karnavalsspreuk van Metwaldus” te vertellen is heur i’j dat natuurlijk op disse site.
Maondag 29 Januari
Deur Heiko
Vandaag bun ik naodat ik thuus bun gekommen uut mien wark, in de maling genommen deur mien vader. Den had een lamp opgehangen en doar is um per ongeluk een droad afgebrokken, en den had ik niet gezien. (hi’j hed ut dus niet met opzet gedaon). Maor uiteraard bun ik eerst alles gaon vervangen wat in mien op kwam, dat hielp natuurlijk allemaol gin flikker omdat ut ding dus gewoon niet angesloten was!
Naodat ik oaver den flater hen was, bun ik hard ant wark gegaon met een aantal muziekstukken veur de pronkzitting. En al zeg ik ut zelf, das verdomt goed gelukt! Reken d’r op dat de pronkzittingen dit jaor een echt knaller gaon worden!
A’j nog geen kaart hebt veur de pronkzitting dan moi waarschijnlijk akelig snel worden want ze bunt bijna uutverkocht! En ie mist wat a’j d’r niet bunt!
Zondag 28 januari
Deur Metwaldus de 44e
Vandaag bunt wi’j samen met onze vrienden van De Foekepot op bezoek gewes bi’j het jeugdcarnaval. Gezellig effe kieken hoe met de blagen geet en of ze alles veur de pronkzitting van volgende weak op de rit hebben.
En dat hebben ze, want wi’j hebben al stiekum de gardedans mogen anschouwen. Wat is dat een onmundig mooie dans! Disse flexibele dansmarietjes gaven alles en gingen echt deur dik en dun!
Um de inwendige mens te prikkelen hebben wi’j de deerntjes en de buuls nog wat te zoepen en te snoepen angebo’jen. Alles in ut rood-wit natuurlijk: Rooie Sisi Strawberry met vieftig procent minder suuker, maagdelijk witte Bitter Lemon en rood-witte zuute snuupkes. Ut was mooi um te zien met hoevöl plezier Prins Silvius de 48ste samen met zien adjudant de rood-witte drank stond uut te delen.
Wi’j hadden er echter niet an gedacht, dat de kleur- en smaakstoffen wel een erg onheilspellend effekt hadden. Wat werden de blagen hier aktief van. Het leek wel één groot ADHD-reservaat! Ons werd ut allemaol iets te völ, zodat wi’j maor gauw met een buutmarsje af bunt gegaon. Nog lekker effe genieten van onze zondag…
Veur de foto’s van disse dag kiek hier!
